The Walt Disney Company-ийн алдарт Frozen хүүхэлдэйн киноноос сэдэвлэсэн “World of Frozen” сэдэвчилсэн парк Парис хот дахь Disneyland Paris-т албан ёсоор нээгдлээ.
Тус шинэ бүс нь кинонд гардаг Арэндэллийн хаант улсыг бодитоор мэдрүүлэх зорилготой бөгөөд Эльза, Анна зэрэг дүрүүдийн ертөнцийг бүхэлд нь амилуулсан цогц шийдэлтэйгээрээ онцлог юм. Зочид усан аялал, сэдэвчилсэн шоу, хөгжмийн тоглолт, интерактив туршлагуудыг нэг дороос мэдрэх боломжтой.
“World of Frozen” нь зөвхөн хүүхдүүд төдийгүй бүх насныханд зориулсан бөгөөд Disney-ийн паркуудын хамгийн сүүлийн үеийн, өндөр технологид суурилсан төслүүдийн нэг гэж үнэлэгдэж байна.
Шинэ парк нээгдсэнээр Франц дахь аялал жуулчлалын урсгалыг нэмэгдүүлэх, ялангуяа гэр бүл, хүүхэдтэй жуулчдыг татах чухал хөшүүрэг болно гэж салбарынхан үзэж байна.
Сэтгэгдэл бичих