Монгол Улсын Ерөнхийлөгчийн 2026 оны 02 дугаар сарын 06-ны өдрийн 12 дугаар зарлигаар төрийн цэргийн болон хууль сахиулах байгууллагуудын ахмад ажилтнуудад шагнал гардуулж, хүндэтгэл үзүүллээ.
Цагдаагийн байгууллагад олон жил идэвх зүтгэл, үр бүтээлтэй ажилласан төрийн цэргийн болон хууль сахиулах байгууллагын ахмад ажилтнуудыг өнөөдөр /2026.02.16/ төрийн дээд одон медалиар шагнах ёслолын үйл ажиллагаа Монгол цэргийн нэгдсэн холбооны байранд болсон юм.
Энэхүү үйл ажиллагаанд Монгол цэргийн нэгдсэн холбооны Ерөнхий нарийн бичгийн дарга, дэслэгч генерал Ц.Тогоо, Цагдаа дотоодын цэргийн Ахмадын хорооны дарга, хошууч генерал Ч.Амарболд болон тус холбооны удирдах зөвлөл, ажлын албаны гишүүд оролцов.
Зарлигийн дагуу 67 ахмад, ажилтныг “Цэргийн гавьяаны улаан тугийн одон”, “Цэргийн гавьяаны одон”, “Цэргийн хүндэт” медалиар тус тус шагналаа.
Та бүхэнд баяр хүргэж, эрүүл энхийг хүсье.
Сэтгэгдэл бичих