Эрчим хүчний системийн 2026.01.12-оос 2026.01.18-ны өдрийн оргил ачаалал
Дулааны 4 дүгээр цахилгаан станц нь бэлтгэл тоноглолгүй бүрэн хүчин чадлаар ажилладаг. Тус станцын нэг зуухны халах гадаргууд өчигдөр гэмтэл гарч, цахилгаан эрчим хүчний чадлын дутагдалд орсон.
Энэ талаар УИХ-ын гишүүн М.Энхцэцэгээс тодруулахад “ДЦС4 долоон зуухтай. Харамсалтай нь нэг зууханд гэмтэл гарч, тус станцын нийлүүлдэг эрчим хүч 100 мегаваттаар буурсан. Иймд чадлын дутагдалд орж, цахилгаан хязгаарлаж байна.
Импортын эрчим хүчийг тултал буюу дээд хэмжээгээр авч байна. Зуухны халах гадаргуугийн гэмтэл нь дунд хэмжээнийх тул 2-3 өдөрт засах болов уу. Гэхдээ энэ хугацаа өөрчлөгдөх магадлалтай. Бид авто замд жилд 2-3 их наяд төгрөгийг зарцуулдаг атлаа эрчим хүчиндээ 200-300 тэрбум төгрөгийн л хөрөнгө оруулалт тавьдаг. Үүний горыг амсаж байна. Эрчим хүчний салбарын 17 мянган ажилтан бол бүх нөөцөө шавхан ажиллаж байна. цахилгаан хязгаaрлаж байгаа нь тэдний буруу огт биш” гэв.
“Диспетчерийн үндэсний төв” өчигдрөөс (2026.01.20) эхлэн нийслэлд тодорхой байршлуудад эрчим хүч хязгаарлаж байна. Хязгаарлалт нэг цаг 30 минут орчим үргэлжлэх бөгөөд энэ хугацаанд хэрэглээгээ зохицуулахыг иргэдээс хүслээ. Тоноглолын гэмтлийг 24 цагийн дотор засварлахаар ажиллаж байна гэсэн юм.
Хамгийн их оргил ачаалал 2026.01.18-ны өдрийн 19.00 цагт 1749 МВт, хамгийн их импорт мөн адил 2026.01.18-ны өдөр 310 МВт хүрчээ.
Сэтгэгдэл бичих