Хүнс, хөдөө аж ахуй, хөнгөн үйлдвэрийн сайдын зөвлөх Б.Амарсанаа, Хөнгөн үйлдвэрийн бодлогын хэрэгжилтийг зохицуулах газрын дарга М.Дондогдорж болон холбогдох Төлөөллүүд БНХАУ-ын Хэбэй мужийн Шинжлэх ухааны академийн Дэд ерөнхийлөгч Ди Минхуй тэргүүтэй Төлөөлөгчидийг хүлээн авч уулзлаа
Уулзалтаар БНХАУ-ын Хэбэй мужийн Шинжлэх ухааны академи болон Шиньжи хотын аж үйлдвэрийн парктай хамтран малын гаралтай түүхий эд боловсруулах салбарт дэвшилтэт технологи, стандартыг нэвтрүүлэх, шинэжлэх ухааны үндэслэлтэй лаборатори байгуулж хүний нөөц бэлтгэн стандартыг нутагшуулах харилцан хамтран ажиллах хүсэлтэй байгаагаа илэрхийлэн харилцан санал тохиролцлоо.
Голлон хамтран ажиллах үйл ажиллагааны хувьд:
1. Цэвэр арьс ширний технологи, эрчим хүч, ус хэмнэх процессыг судлах, хөгжүүлэх.
2. Хатуу хог хаягдал, лаг болон бусад дайвар бүтээгдэхүүнийг цогцоор нь ашиглах судалгаа.
3. Арьс боловсруулах, байгаль орчныг хамгаалахтай холбоотой стандартыг боловсруулах, уялдуулах.
4. Арьс ширний чанарын шинжилгээ, байгаль орчны үнэлгээний системийг хөгжүүлэх.
5. Авьяас чадварыг хөгжүүлэх, техникийн солилцоо, харилцан сургалтын хөтөлбөрүүд зэрэг асуудлууд дээр хамтрах юм.
БНХАУ-ын талаас манай аж үйлдвэрийн паркийн дэд бүтэц улсдаа хамгийн сайн төлөвлөгдсөн нь гэдгийг тодотгон хэллээ.
Цаашид Эмээлт эко аж үйлдвэрийн парк, БНХАУ-тай хамтран ажиллах тал дээр ХХААХҮЯ-аас бүх талаараа дэмжин хамтран ажиллахаа мэдэгдлээ.
Төлөвлөлт, хөгжүүлэлтийн газар
2025.11.25
Сэтгэгдэл бичих