Өнөөдөр БНСУ-д улсын хэмжээний их, дээд сургуулийн элсэлтийн шалгалт болох Сунын (CSAT) албан ёсоор эхэллээ. Жил бүр уламжлал болсон энэ өдөр Солонгос улс даяар тусгай зохицуулалт хийж, шалгалт өгч буй 500 мянга гаруй сурагчдад саадгүй орчин бүрдүүлэхийг зорьдог.
Элсэлтийн шалгалтын хамгийн онцлог нь дүнгийн сонсох хэсгийн үеэр бүх нислэгийн хөөрөлт, буултыг түр хугацаанд зогсоодог явдал юм. Мөн хот доторх замын хөдөлгөөнийг саадгүй байлгахын тулд төрийн байгууллагууд ажлын цагийг 10:00 цагаас эхлүүлэхээр өөрчилж, замын түгжрэлийг бууруулах арга хэмжээ авчээ.
Шалгалтад хоцрох аюултай сурагчдыг авахын тулд цагдаа, онцгой байдлын мотоцикл, автомашинууд бэлэн байдалд ажиллаж, шаардлагатай тохиолдолд шалгалтын байранд хүргэж өгөх тусгай баг гаргасан байна.
Шалгалтын материалын нууцлал үргэлжлүүлэн өндөр түвшинд хамгаалагдаж, асуулт-хариултын дүрмийг чанд мөрдөн шалгалт орон даяар нэгэн зэрэг явагдаж байна.
Сунын шалгалтыг Солонгосчууд “амьдралын шалгуур өдөр” гэж нэрлэдэг ба нэг өдрийн үр дүн сурагчдын ирээдүйн мэргэжил, их сургуулийн сонголтод шууд нөлөөлдөг онцгой өдөр хэвээр байна.
Сэтгэгдэл бичих