“Эрдэс баялгийн салбарын сургалт-судалгаа-хамтын ажиллагааны хөгжил үндэсний II хэлэлцүүлэг” ШУТИС-ийн VIII байрны Олон улсын эрдэм шинжилгээний хурлын танхимд эхлээд байна.
Хэлэлцүүлгийг нээж Аж үйлдвэр, эрдэс баялгийн сайд Г.Дамдинням үг хэллээ.
Тэрбээр хэлсэн үгэндээ “МУ-д төдийгүй дэлхий дахинд их сургуулийн хөгжлөөс улс эх орны хөгжил шууд тодорхойлогдож байдаг.
Их сургуулийн хөгжил нь тухайн сургуулийн профессор багш нарын мэдлэг чадвар, гадаад дотоод хамтын ажиллагаанаас гадна оролцогч талууд болох төгсөгч, ажил олгогч, улс орны хөгжлийн бодлого, дэмжлэгээс шууд хамаардаг.
Өнөөдөр МУ-ын эдийн засгийн болоод нийгмийн хөгжилд эрдэс баялгийн салбар тэргүүлэх салбар болохыг бид бүгд сайн мэдэж байгаа.
Иймд өнөөдөр яалт ч үгүй эх орноо дэлхийд тэргүүлэх улс гүрэн болж хөгжихөд, ард иргэдийн амьдралын чанарыг дээшлүүлэхэд зайлшгүй геологи уул уурхайн салбартай зайлшгүй холбоотой.
Энэ бүгдэд нөгөө талаас МУ-ын урт, дунд хугацааны хөгжлийн бодлого засгийн газрын бодлогыг хэрэгжүүлэхэд шаардлагатай аж үйлдвэр, эрдэс баялгийн салбарын хүний нөөцийн чадавхи тэдгээрийг бэлтгэж буй мэргэжлийн сургуулийн судлаач профессор багш үүрэг оролцоо болон их сургуулийн сургалт судалгаа хамтын ажиллагаа нэн чухал” хэмээн онцоллоо.
Үүний дараа Хамтын ажиллагааны санамж бичиг байгуулах ёслолын ажиллагаа болсноор хурал үргэлжилсэн юм.
Тус хурал нь “Эрдэс баялгийн салбарын дээд боловсролтой мэргэжилтэн бэлтгэх өнөөгийн байдал”, “Зочин илтгэл”, “Панел хэлэлцүүлэг” сэдвээр өрнөж байгаа бөгөөд эхний хэлэлцүүлгийг ГУУС-ийн захирал, доктор (Ph.D), профессор К.Хавалболот удирдаж байна.
Хуралд “Геологи, уул уурхайн сургуулийн хөтөлбөр, хөгжүүлэлт” сэдвээр ГУУС-ийн Сургалт, чанарын албаны дарга, доктор (Ph.D) Г.Өлзийсайхан, “Геологи, уул уурхайн сургуулийн эрдэм шинжилгээ, сургалт, судалгаа, хамтын ажиллагаа” сэдвээр ГУУС-ийн Эрдэмтэн нарийн бичгийн дарга, доктор (Ph.D, дэд профессор О.Мөнхцэцэг, “Геологи, уул уурхайн сургуулийн чанарын удирдлага, ахиц дэвшил” сэдвээр ГУУС-ийн Чанарын менежер, доктор (Ph.D) C.Нандинцэцэг нар илтгэлээ
Сэтгэгдэл бичих