Боловсролын яам ялгаатай хэрэгцээт хүүхдийн сурч боловсрох тэгш эрхийг хангах хүрээнд Япон Улсын Оберлин их сургууль, тус сургуулийн дэргэдэх “Хөгжлийн бэрхшээлтэй хүүхдийн сэргээн засах судалгааны төв”-тэй хамтран арга зүйн сургалт зохион байгуулж байна.
Сургалтыг профессор Козеки Шунсуке удирдан явуулж, Боловсролын яам, Боловсролын ерөнхий газар, Боловсролын судалгааны үндэсний хүрээлэн, Боловсролын үнэлгээний төв, аймаг, нийслэл, дүүргийн боловсролын газар/хэлтсийн тэгш хамран сургах боловсролын асуудал хариуцсан албан хаагчид, боловсролын болон дэмжих үйлчилгээ үзүүлэх чиг үүрэг бүхий ерөнхий боловсролын сургууль, цэцэрлэгийн багш, арга зүйч, танхимын сургалтад тогтмол хамрагдах боломжгүй хөгжлийн бэрхшээлтэй хүүхдэд дэмжих үйлчилгээ үзүүлж буй төрийн бус байгууллагын төлөөллүүд хамрагдаж байна.
Оролцогчид ялгаатай хэрэгцээт суралцагчдад боловсрол эзэмшүүлэх хүрээнд тэдэнд нийгэм, сэтгэл зүйн дэмжлэг, танин мэдэхүйн болон зан үйлийн сэтгэл заслын үйлчилгээ үзүүлэх арга зүйд суралцах юм.
Discussion about this post