Нийслэлийн Хан-Уул дүүргийн 20 дугаар хороонд үйл ажиллагаа эрхэлж байгаа арьс шир боловсруулах үйлдвэрүүдийг “Эмээлт эко аж үйлдвэрийн парк”-т нүүн шилжсэний дараа “Үйлдвэрийн бүсийн хөрс, усны бохирдлыг саармагжуулах, нөхөн сэргээх нь” хэлэлцүүлгийг Нийслэлийн Хот байгуулалт, хотын стандартын газар, Эмээлт эко аж үйлдвэрийн парк хамтран зохион байгууллаа.
Хэлэлцүүлэгт:
Нийслэлийн холбогдох байгууллагууд болон МАШҮХ-ны төлөөллүүд оролцож “Хан Уул дүүргийн 20 дугаар хорооны нутаг дэвсгэрт үйлдвэрийн хэсгийг дахин төлөвлөх барилгажилтын төсөл” болон Эрдэм шинжилгээ судалгааны багш, эрдэмтэд “Хан Уул дүүргийн 20 дугаар хорооны хөрс, усны бохирдолд хийсэн судалгаа”, “Харгиа цэвэрлэх байгууламж орчмын хөрсний бохирдлыг бууруулах боломж”-ийн тухай төсөл, эрдэм шинжилгээ, судалгааны ажлуудыг тус тус танилцууллаа.
Хэлэлцүүлгийн үр дүнд:
Нийслэлийн Байгаль Орчны Газар “Хан Уул дүүргийн 20 дугаар хорооны үйлдвэрийн бүсийн бохирдлыг бууруулах, нөхөн сэргээх төлөвлөгөө гаргах болон нөхөн сэргээлтийг хийх аргачлалыг боловсруулах талаар эрдэмтэн судлаачидтай хамтарч ажиллахаар ярилцлаа.Мөн Нийслэлийн Эрүүл Мэндийн Газар “Иргэдийн эрүүл мэндийн нөлөөлөл, урьдчилан сэргийлэх ажлыг зохион байгуулах ажлын төлөвлөгөөг хийхээр боллоо.Энэхүү хэлэлцүүлгийг улирал тутам зохион байгуулж үр дүнг нь тооцож ажиллахаар шийдвэрлэлээ.Төлөвлөлт, хөгжүүлэлтийн газар
Discussion about this post