2025 оны аравдугаар сарын 20-нд Amazon компанийн үүлэн тооцооллын гол үйлчилгээ болох Amazon Web Services (AWS) дэлхий даяар сааталд орж, олон улсын цахим үйлчилгээ, бизнесийн системүүдийг доголдууллаа.
Энэ саатал нь АНУ, Европ, Азийн хэд хэдэн оронд нөлөөлж, банкны гүйлгээ, цахим худалдаа, олон аппликейшн болон төрийн онлайн системүүд түр хугацаанд ажиллахгүй болсон байна.
Amazon компани албан мэдэгдэлдээ:
“Бид техникийн саатлыг илрүүлж, системийг сэргээх ажлыг хийж байна. Ихэнх бүсүүдэд үйлчилгээ хэвийн байдалдаа орж эхэллээ” гэж мэдэгджээ.
Технологийн шинжээчид энэ үйл явдлыг “дэлхийн дижитал дэд бүтцийн эмзэг байдлыг харуулсан томоохон дохио” гэж дүгнэж байна. AWS нь дэлхий даяарх вебсайт, аппликейшн, дата хадгалах системүүдийн гол тулгуур учраас богино хугацааны доголдол ч асар өргөн хүрээний нөлөө үзүүлдэг байна.
Энэ саатлын дараа олон улсын компаниуд үүлэн технологийн хэт төвлөрөл, мэдээллийн найдвартай байдалд анхаарал хандуулж эхэлжээ.
Сэтгэгдэл бичих