Монгол Улсын Зам, тээврийн яам, Сангийн яам, БНСУ-ын Олон улсын хамтын ажиллагааны байгууллага буюу КОЙКА хооронд байгуулсан хэлэлцээрийн дагуу хэрэгжүүлж байгаа “Галт тэрэгний хөдөлгөөн зохицуулах нэгдсэн төвийн барилгыг барих, үйл ажиллагааны чадавхыг бэхжүүлэх замаар Монгол Улсын төмөр замын тээврийн өрсөлдөх чадварыг сайжруулах” төслийн хүрээнд Төмөр замын салбарын мэргэжилтнүүдийг чадавхжуулах 5 дахь удаагийн сургалт (2025.10.20) албан ёсоор эхэллээ.
Энэхүү сургалт нь Монгол Улсад зохион байгуулагдаж байгаагаараа онцлог бөгөөд багц сургалт өнөөдрөөс эхлэн 2025 оны 12 дугаар сарын 12-ны өдрийг хүртэл нийт 8 долоон хоногийн турш танхимаар явагдах юм.
Уг сургалтад улсын болон хувийн хэвшлийн төмөр замын тээврийн байгууллагуудын 105 албан хаагчийг хамруулах бөгөөд БНСУ-ын дадлага, туршлагатай багш нар төмөр замын дохиолол холбоо, галт тэрэгний хөдөлгөөн зохион байгуулалт, мэдээлэл технологийн хэрэглээ зэрэг олон талт сэдвээр онол, практикийн өргөн мэдлэгийг олгох юм.
Сэтгэгдэл бичих