Монгол Улсын Ерөнхийлөгч, Зэвсэгт хүчний ерөнхий командлагч 2025 оныг ахлах офицерын жил болгон зарласантай холбогдуулан Төрийн цэргийн болон хууль сахиулах байгууллагуудын ахлах офицерын чуулганыг угтан хэрэгжүүлэх ажил, мөн Шүүхийн шийдвэр гүйцэтгэх ерөнхий газрын Цахим харилцаа, мэдээлэл технологийн газраас өрнүүлж буй “Цахим шилжилт, цахим шийдэл” аяны хүрээнд байгууллагын үйл ажиллагаанд дэвшилтэт техник, технологи, инновацын шийдлийг нэвтрүүлэх, шинжлэх ухаанд суурилсан бүтээлч сэтгэлгээ, шинэ санал, санаачилгыг дэмжих, практикт үр нөлөөтэй бүтээлийг шалгаруулах уралдааныг байгууллагын хэмжээнд зарлаж, шилдэг бүтээлүүдийг шалгарууллаа.
Тус уралдааны нэгдүгээр байрт Шийдвэр гүйцэтгэх ажиллагааны явуулын оффис машин нэвтрүүлэлтээр Банкны төлбөр барагдуулах газрын дарга, хурандаа Б.Дашдаваа даргатай хамт олон, хоёрдугаар байрт Түргэн цугларалтын схемийг орчин үеийн технологиор автоматжуулалт бүтээлээр Сэлэнгэ аймгийн Мандал сум дахь Шүүхийн шийдвэр гүйцэтгэх хэлтэс 413 дугаар нээлттэй, хаалттай хорих ангийн Холбоо, мэдээлэл технологийн инженер, ахмад Э.Мөнх-Од, гуравдугаар байрт Шүүхийн шийдвэр гүйцэтгэх байгууллагын алба хаагчдын албаны үнэмлэхийг E-Mongolia системд нэвтрүүлэх дижитал шийдэл бүтээлээр ШШГЕГ-ын Цахим харилцаа, мэдээлэл, технологийн газрын мэдээлэл, программ хангамжийн хэлтсийн инженер, Х.Эрхэмбаяр нар тус тус шалгарлаа.
Уралдааныг дэвшилтэт техник, технологи, инновацын шийдлийг нэвтрүүлэх шинжлэх ухаан, технологи, инновацын чиглэлтэй, шинэлэг, үр ашигтай, байгууллагын үйл ажиллагаанд бодитоор хэрэгжүүлэх боломжтой, дижитал болон инженерчлэл, автоматжуулалт, хиймэл оюун ухаан зэрэг чиглэлд хамаарах бүтээл байх шаардлагыг тавьж зохион байгуулсан юм.
Сэтгэгдэл бичих