Амазон ой нь дэлхийн нүүрстөрөгчийн шингээгчийн 20 %-ийг дангаараа бүрдүүлдэг бөгөөд хүчилтөрөгч ялгаруулж, уур амьсгалыг тогтворжуулахад асар их хувь нэмэртэй.
Тэнд 3 сая гаруй төрөл зүйл ургамал, амьтан, шавьж оршин суудаг бөгөөд тэдний олонх нь дэлхийн өөр хаана ч байдаггүй өвөрмөц зүйлс юм.
Амазон бүс нутагт 30 сая орчим хүн амьдардаг бөгөөд тэдний дийлэнх нь уугуул иргэдийн 350 гаруй омог юм.
Эдгээр ард түмэн ойгоос хүнс, эмийн ургамал, орон сууцны материал зэрэг бүх амьдралынхаа хэрэгцээг авдаг бөгөөд тэдний уламжлалт мэдлэг нь дэлхийн биологийн ухаанд чухал хувь нэмэр оруулдаг
Сүүлийн жилүүдэд Амазон ойд мод бэлтгэл, газар тариалангийн тэлэлт, хууль бус олборлолт, түймэр нэмэгдэж, жил бүр хэдэн сая га ой мод сүйдэж байна.
Судалгаагаар, хэрвээ ой модны устгал 20–25 хувьд хүрвэл Амазон “хуурай саванна” болж хувирах аюултай гэж эрдэмтэд анхааруулжээ.
Амазон ой нь дэлхийн чийг, борооны хуваарилалтад шууд нөлөөлдөг.
“Нисдэг голууд” хэмээн нэрлэгддэг агаарт ууршсан усны урсгалууд нь Өмнөд Америкийн бусад бүс нутгийн борооны эх үүсвэр болдог.
Хэрэв энэ тогтолцоо алдагдвал дэлхийн цаг уурын тэнцвэрт байдалд сөргөөр нөлөөлнө гэж мэргэжилтнүүд үзэж байна.Цаашид хамгаалахын тулд дараах арга хэмжээг авах шаардлагатай гэж эрдэмтэд үзэж байна.
Ой модны хууль бус сүйтгэлд хатуу хяналт тавих
Орон нутгийн иргэдийн оролцоог нэмэгдүүлэх
Нөхөн сэргээлтийн хөтөлбөр хэрэгжүүлэх
Олон улсын хамтын ажиллагаа, хөрөнгө оруулалтыг дэмжих зэрэг юм.
Эх сурвалж: National Geographic
Сэтгэгдэл бичих