2025 оны 9-р сарын 27. Киев – Украины Ерөнхийлөгч Володимир Зеленский өчигдөр хийсэн мэдэгдэлдээ ОХУ-ын эрчим хүчний экспорт болон танкерийн флотын дэд бүтцэд чиглэсэн хатуу хориг арга хэмжээ авах шаардлагатайг онцлов.
Тэрээр: “Хориг арга хэмжээ нь Оросын эдийн засгийн хамгийн эмзэг цэг болох эрчим хүчний худалдаанд хүчтэй цохилт өгөх ёстой” хэмээн мэдэгдсэн байна. Мөн ОХУ-ын довтолгооны эсрэг үр дүнтэй тэмцэхийн тулд АНУ-тай “мега” зэвсгийн хэлэлцээр хийхээр ярилцаж байгаагаа дурджээ.
Зеленскийгийн хэлснээр Украинд үзүүлж буй олон улсын тусламж, ялангуяа агаарын довтолгооноос хамгаалах систем, зэвсгийн нийлүүлэлт нь фронтын шугамд хамгаалалтыг бэхжүүлэхэд чухал үүрэгтэй байна.
Энэ мэдэгдэл нь Оросын тал Украины хотуудад пуужин, дроны цохилт өгч, хэдэн цаг үргэлжилсэн дайралт хийсний дараа гарсан юм.
эх сурвалж: The Guardian
Сэтгэгдэл бичих