АНУ-ын Эрүүл мэндийн үндэсний хүрээлэн (NIH) аутизмын гарал үүсэл, эмчилгээний үр дүнг гүнзгийрүүлэн судлах зорилгоор “Autism Data Science Initiative” нэртэй шинэ хөтөлбөрийг эхлүүллээ.
Энэхүү санаачилгын хүрээнд нийт $50 сая ам.долларын санхүүжилттэй 13 судалгааны төсөл хэрэгжих бөгөөд генетик, орчны хүчин зүйл, жирэмсний үеийн эрсдэл, хүүхдийн хөгжлийн үеийн мэдээлэл зэрэг олон төрлийн өгөгдлийг шинжилж, аутизмын шалтгааныг илүү тодорхой болгох зорилготой.Олон төрлийн өгөгдөл ашиглана – Геном, клиник, зан үйлийн болон орчны хүчин зүйлсийг хамарсан өргөн хүрээний мэдээлэл цуглуулна.Шинэ судалгааны арга барил – Экспозомикс буюу орчны нөлөөллийг нарийн судлах шинэ чиглэл түлхүү тусгагджээ.Үр дүнг бодит хэрэглээнд нэвтрүүлэх – Судалгааны ололтыг оношлогоо, эмчилгээ болон үйлчилгээний чанарыг сайжруулахад ашиглах зорилготой.
Зарим судлаачид мэдээллийн нууцлал болон судалгааны дүн олон улсын бүх бүлгүүдэд хэр хүртээмжтэй байх эсэхэд болгоомжтой хандаж байна.
Эрдэмтдийн үзэж буйгаар энэ санаачилга аутизмын талаарх ойлголтыг өргөжүүлж, ирээдүйд оношлогоо, эмчилгээ болон хүүхдийн хөгжлийн дэмжлэгийг шинэ шатанд гаргах боломжтой гэж найдаж байна.
Эх сурвалж: Reuters
Сэтгэгдэл бичих