Орос, Украйны хоорондын зэвсэгт мөргөлдөөн 2025 оны 9 дүгээр сарын сүүлээр улам ширүүсэж байна.
2025 оны 9 дүгээр сарын 19-нд Украины тал Оросын газрын тос боловсруулах үйлдвэрүүд болон эрчим хүчний байгууламжуудад дрон ашиглан цохилт өгч, Оросын эдийн засагт хүчтэй цохилт болсон талаар Business Insider мэдээлэв. Харин Оросын тал 9 дүгээр сарын 19–20-нд Украины хотууд руу дрон, пуужингийн дайралт хийж, энгийн иргэд болон дэд бүтцэд хохирол учруулсан гэж AP News онцолжээ.
2025 оны 9 дүгээр сарын 17-нд гарсан “Russia Matters”-ийн тайланд дурдсанаар Донецк болон Луганскийн бүс нутагт талууд газар нутгийн хяналтаа ээлжлэн алдаж, эргүүлэн авч буй ширүүн тулаан үргэлжилж байна.
2025 оны 9 дүгээр сарын 22-нд Al Jazeera нийтэлсэн мэдээллээр Украины Ерөнхийлөгч Володимир Зеленский НҮБ-ын Ерөнхий Ассамблейн чуулганд оролцож, дайн зогсоох, олон улсын дэмжлэгийг нэмэгдүүлэх асуудлыг онцлон ярьжээ.
Европын Холбоо мөн 9 дүгээр сарын 19-нд ОХУ-ын эсрэг шинэ хориг арга хэмжээ зарласан бөгөөд Украины тал олон улсын аюулгүй байдлын баталгаа, цэргийн туслалцааг шаардсаар байна (Reuters, NY Post).
Одоогийн байдлаар мөргөлдөөн энгийн иргэдийн амь насыг авч одсоор байгаа бөгөөд хот суурин газрын хэвийн амьдралд томоохон саад учруулж буйг олон улсын хэвлэлүүд анхааруулж байна.
Сэтгэгдэл бичих