УИХ-ын гишүүн О.Номинчимэгийн талаар Цалинтай ээж хөтөлбөр зогсоох талаар мэдээлэл тарсан. Тэрээр энэ мэдээлэлд хариу тайлбар хийлээ.
О.Номинчимэг: Тамхины хяналтын тухай хуулийн нэмэлт, өөрчлөлтийн төсөлтэй холбоотойгоор өнгөрсөн хугацаанд өгсөн миний зарим тодруулга, ярилцлагыг янз бүрээр гуйвуулсаар байна. Орхиод, гүйлгээд өнгөрье гэхээр олон хүний ахуй, амьдралтай холбоотой зүйлийг мушгих гэж оролдож байгаад тайлбар хийхгүй бол боломгүй нь.
“Цалинтай ээж” хөтөлбөрийг зогсоох тухай миний бие ерөөс хөндөөгүй, харин нэрэндээ авцалдахгүй байгаа энэ хөтөлбөрийн нэрийг солих нь зүйтэй гэдгийг хэлсэн.
Ээжүүдэд очдог дээрх дэмжлэг болон “Хүүхдийн мөнгө” зэрэг нь манай улсад зайлшгүй байх ёстой хөтөлбөр бөгөөд эдгээр нь хүний хөгжлийн бодлогын нэгэн хэсэг юм. Хүний хөгжилд харин ч бид хөрөнгө оруулалтыг нэмэх ёстой.
Сэтгэгдэл бичих