Филиппин улсын Манила хотод зохион байгуулагдсан Олон улсын биологийн 36 дугаар олимпиадаас Монгол Улсын багийн 1 сурагч хүрэл медаль, 1 сурагч шагналт байрт шалгарсан амжилтыг үзүүллээ.
Монгол улсыг төлөөлж оролцсон сурагчдаас
Анарын Амартүвшин (Орчлон сургууль, 12-р анги) —ХҮРЭЛ МЕДАЛЬ,
Санчигдоржийн Сансармаа (Монгол тэмүүлэл сургууль, 11-р анги) —ТУСГАЙ БАЙРТ шалгарч, Энхтөрийн Марал (Хобби сургууль, 12-р анги), Эрдэнэбатын Зана-Эрдэнэ (Шинэ эрин сургууль, 11-р анги) нар маань өндөр онооны гүйцэтгэлтэй амжилттай оролцлоо.Энэ удаагийн олимпиад тус бүр 3 цаг үргэлжилсэн онолын 2 шалгалт, тус бүр 90 минутын 4 дадлагын ажилтай байсан бөгөөд энэ жил цоо шинээр Микробиологи, Биоанагаахын шинжлэх ухааны дадлагууд нэмэгдсэнээрээ онцлог төдийгүй маш бага онооны зөрүүтэй, өндөр өрсөлдөөнтэй олимпиад болж өндөрлөж байна.
75 орны 300 гаран сурагчидтай оюун ухаанаа сорин өрсөлдсөн сурагчдадаа баяр хүргэе.
Сэтгэгдэл бичих