УИХ-ын гишүүн Б.Энхбаяр сонгуулийн өмнө ерөнхий сайдын хуулийн илд нь байна гэж ярьж байлаа. Харамсалтай нь сонгууль өнгөрсний дараа сайдын суудлаа ардчилсан намд булаалгасан. Энэ цагаас хойш Б.Энхбаяр гишүүн засгийг үе үе шүүмжлэх болсон. Мэдээж сайд болж чадаагүй түүнд гуних туних шалтаг бишгүй л байсан байх.
Гэхдээ Б.Энхбаяр гишүүний үгнээс авах юм бас байна. Сүүлийн үед урьд өмнө сонсогдож байгаагүй содон нэртэй албан тушаалууд ар араасаа бий болж байна. Жишээлбэл бүтээмжийн менежер гэх албан тушаалыг Энхбаяр гишүүн улс төрийн авлига гэлээ. Өөрөөр хэлбэл намуудыг дуугүй болгох, найран дундаа идэж уух зорилготой гэж хэлсэн.
Хамтарсан засаг бүтээмжийн менежерүүдийг төсвөө хэмнэ, үр ашгаа нэмэгдүүл, хяна гэсэн зарлигтай илгээх юм байх. Орлогч захирлын статустай, 5-6 сая төгрөгийн цалинтай төрийн өмчийн 123 компани 400 бүтээмжийн менежертэй болох юм. Хамгийн сонирхолтой нь сангийн сайдын хэлээр эдгээр хүмүүс төсөвт ямар ч хүндрэл учруулахгүй юм байх.
Засгийг бүрдүүлэгч Ардчилсан намын дарга Гантөмөр бид дотор нь хүнээ оруулж байгаад хянана гэсэн бол ХҮН намын дарга Доржханд манай нам ухаантай хүмүүстэй учраас асуудал гаргахгүй гэнэ. Гэтэл нөгөө ухаантай гэх хүмүүс нь хоорондоо зодолдоод байдаг нь ёстой л тавилан юм даа.
Чанцалын Бэлгүүтээ
Сэтгэгдэл бичих