Люминогийн Баажий, Төв цэнгэлдэх хүрээлэнгийн гүйцэтгэх захирал Ж.Энхжаргалан нарын сошиал хэрүүл олны анхаарлыг татав. Ж.Энхжаргалан хувийн хэвшлээс нийслэлийн өмчид байгууллагын гүйцэтгэх захирал болсон хүн.
Төв цэнгэлдэхэд тоглох нь тийм их эрэлт хэрэгцээтэй байдаг юм бол боломжтой өдрүүдээ тодорхой болгоод л нээлттэй сонгон шалгаруулалт хийнэ гээд тендер зарлаж яагаад болохгүй гэж.
Жишээ нь тэр булаацалдаад байгаа 08 сарын 16-ны өдрийг нь хэн хамгийн өндөр үнийн санал өгсөн аж ахуй нэгж эсвэл хувь хүнд нь өгчих. Бүх юм зах зээлийн эрэлт нийлүүлэлтийн хуулиар шийдэгдэнэ. Хэнд яаж өгдгөө ил болгохгүйгээр урлагийн ченжүүдэд далд хэлбэрээр өгөөд байвал ийм хэрүүл хэзээ ч дуусахгүй.
Эрхэм захирал Драгон Терминал шигээ асуудалд хандвал төв цэнгэлдэх хоёр зуу гурван зуун хувь ашигтай ажиллаж чадна.
Улс төрч нийслэлийн төлөөлөгч хүн хэн юу гэсэн болгонтой нь хэрэлдэж уралцаж явах нь хэр зохимжтой байдаг бол. Шүүмжлэл хүлээхгүй шууд дээр нь гарахаа л бодох нь хэр ёс зүйд нийцдэг юм бол.
Мөн Люминогийн Баажий нэг зүйлийг өдий наслахдаа ойлгосонгүй. Ажил хэрэгт албан бичиг, албан ёсны протокол, албан ёсны харилцаа хамгийн чухал. Аман яриа, найзан дундаа шийдэх гэж оролдох нь албаны харилцаа биш. Насаараа дуу дуулж бишгүй тоглолт хийсэн хүн энэ мэт зүйлийг мэдмээр. Эсвэл дуу дуулж явсаар байгаад боловсрол эзэмшихийг мартсан юм болов уу.
Чанцалын Бэлгүүтээ
Сэтгэгдэл бичих