Наадам самардаг зүлгээс болж өнгөрсөн жил Б.Пүрэвсайхан, С.Сүхбат заан тэргүүтэй бөхчүүд халтирч унаж, бэртээгүй бол наадмын түрүү өөр байх байсан. Хангай аваргын хэлдгээр наадмын барилдаан бол бөхчүүдийн нэг жилийн хөдөлмөр биш нэг насны хөдөлмөр байдаг.
Харин Төв цэнгэлдэх хүрээлэнгийн гүйцэтгэх захирал Ж.Энхжаргалан хэлэхдээ бөхчүүд амьд зүлэг тарих боломж байна уу гэж асуусан цаг хугацаа хөрөнгө мөнгөний хувьд боломжгүй. Би ажлаа аваад жил болоогүй байна. Энэ жилийн наадмаа сайхан хийнэ гээд хэнэггүй ярьж байна.
Тэхээр өнгөрсөн жилийн алдааг давтахгүй гэх баталгаа байна уу? Стандарт бус зүлэг, зориулалтын бус жийргэвч тавьсан нь тодорхой байхад эрхэм захирал хөлбөмбөгийн стандарт ярьж зуны урлаг соёлын шоуны мөнгөө бодож суух нь зөв үү?
Наадамд зориулж байгалийн таримал зүлэг тавивал төв цэнгэлдэхэд урлаг соёлын тоглолт болох боломжгүй болно. Учир арга олон хүн бужигнасны дараа зүлэг биш шороо үлдэнэ. Чухам Ж.Энхжаргалан үүнээс л айж байгалийн ногоон зүлэг тавихгүй хэмээн гүрийж байна.
Өнгөрсөн жил 30 гаруй бөх халтирч, 4 бөх бэртсэн. Энэ бол тохиолдлын зүйл биш! Бид наадмаас өмнө тестэлж үзье. Одоо 90 гаран хоног байна. Наадам бол дэлхий даяар суурьшсан монгол угсаатны өв соёл. Энэ спортод сэтгэлгүй хандсан хүмүүст хариуцлага тооцох ёстой гэж Үндэсний бөхийн холбооны тэргүүн Ц.Магалжав хэлсэн.
Иргэд Наадам зун болдог биш бил үү долоон сар гэдэг чинь зүлэг ургахад хангалттай хугацаа биш гэж үү? эсвэл Хөхөө өвлийн хүйтэнд зүлэг тарь гэсэн юм болов уу? гэж сэтгэгдэл үлдээж байна.
Зарим иргэд, ТББ-уудын зүгээс байгалийн зүлэг 20 хоногийн тодор тариал өгий гэсэн санаачлаг гаргаж байна. Наадам самардаг биш, бөхчүүд халтирдаггүй байгалийн зүлэгтэй болох цаг хэзээ юм бол доо.
Чанцалын Бэлгүүтээ
Сэтгэгдэл бичих