БОАЖ-ын сайд Н.Уртнасан албан тушаалаас нь чөлөөлж, түүний оронд ШӨХТГ-ын дарга Б.Бат-Эрдэнийг томилохоор болсон билээ. Өнөөдөр түүнийг Ерөнхийлөгч У.Хүрэлсүх, УИХ-ын дарга Г.Занданшатарт танилцуулсан. Зарим хүн “поп” гэж шүүмжилж, зарим нь ажил хэрэгч гэж үнэлдэг Б.Бат-Эрдэнэ ШӨХТГ-ыг удирдахдаа ямар ч байсан “амь оруулсан”. Түүний ажлын туршлага олон хүний анхаарлыг татдаг.
МАН-ын олонх боловсон хүчний адил НАМЗХ-гоор дамжсан тэрбээр 2015 оноос төрд ажиллаж эхэлжээ. Тухайн үед Шадар сайдын зөвлөхөөр таван сар ажилласан байна. Дараа нь Мэргэжлийн хяналтын ерөнхий газрын дэд дарга, УИХ-ын гишүүний зөвлөх, Эрдэнэт хотын хөгжил, судлагаа хүрээлэнгийн тэргүүн, Засгийн газрын Хэрэг эрхлэх газрын дэд дарга, Шударга өрсөлдөөн хэрэглэгчийн төлөө газрын дарга зэрэг албан тушаалыг хашсан байна.
2010-2012 он: НАМЗХ-ны УЗ-ийн гишүүн, Дотоод протокол хариуцсан дарга
2012-2015 он: НАМЗХ-ны Ерөнхий нарийн бичгийн дарга
2015 оны I-VI сар хүртэл: Шадар сайдын зөвлөх
2015-2016 он: МХЕГ-ын дэд дарга
2016-2017 он: УИХ-ын гишүүний зөвлөх
2017-2018 он: Эрдэнэт хотын хөгжил бодлого судалгааны хүрээлэнгийн тэргүүн
2018-2019 он: Засгийн газрын хэрэг эрхлэх газрын дэд дарга
2019-2020 он: Эрдэнэт хотын хөгжил бодлого судалгааны хүрээлэнгийн тэргүүн
2020 оны наймдугаар сараас: ШӨХТГ-ын дарга.
Сэтгэгдэл бичих