Улаанбаатар хотын Захирагчийн ажлын алба, НХМГ, ‘Таван Толгой Түлш’ ХХК-иас нийслэлийн агаар, орчны бохирдлын талаар өнөөдөр /2022.01.17/ мэдээлэл хийв.
Тухайн мэдээллээр ЦЕГ-аас: “НМХГ-тай хамтран хийсэн шалгалтаар түүхий нүүрс түлэхийг завдсан, түлсэн, хадгалсан болон гялгар уут түлж байсан зөрчлүүдийг илрүүлж таслан зогсоосон.
Түүнчлэн түлэх зориулалтаар хадгалж байсан 10500 кг түүхий нүүрсийг Амгалан дулааны цахилгаан станцад хүлээлгэж өгсөн” гэв.
Өнгөрөгч долоо хоногт зориулалтын бус түлээ түлж, утаа гаргаж байна гэх иргэдийн гомдол 11 бүртгэгдсэн байна. Харин угаартсан 17 дуудлага бүртгэгдсэнээс 47 иргэний бие хүнд, хөнгөн хэлбэрээр хохирч, нэг иргэн амь насаа алдсан байна.
Сэтгэгдэл бичих