Монголын Үйлдвэрчний эвлэлийн холбоо (МҮЭХ)-ны Ерөнхийлөгч Х.Амгаланбаатар, дэд ерөнхийлөгч С.Эрдэнэбат нарын албан өрөө, гэрт нь АТГ-ын мөрдөгчид нэгжлэг хийж, эрүүгийн хэрэгт холбогдуулан шалгаж эхэлжээ. Хууль сахиулагчид 2021 оны 12-р сарын 16-ны орой МҮЭХ-ны байран дахь тэдний албан өрөөнд нэгжлэг хийж, санхүүгийн бичиг баримт, гэрээг нь хураасан байна.
Мөн гэрт нь нэгжлэг хийж багагүй хэмжээний ам.доллар хураан авсан гэх мэдээлэл байна. Тэднийг шалгаж байгаа шалтгаан нь Баруун 4 зам дахь МҮЭСТО-ы дэргэд барьсан “Жим палас” (Gem palace) төвийн газрыг өндөр үнээр худалдсан хэмээн буруутгаж байгаа юм байна. Уг газрыг худалдахдаа 600 сая орчим төгрөг завшиж, үрэгдүүлсэн гэх гомдол АТГ-т ирсний дагуу мөрдөн шалгах ажиллагаа эхлүүлжээ.
Тэдэнд Эрүүгийн хуулийн 22.12 дахь хэсэгт заасан “Хуулийн этгээдийн удирдах, гүйцэтгэх албан тушаалтан хувьдаа, бусдад давуу байдал тогтоох, аш.иг хон.жоо ол.ох зорил.гоор хууль, түүнд нийцүүлэн гаргасан захиргааны хэм хэмжээний акт, хэлцэл, дүрмээр олгогдсон албан тушаалын эрх мэд.лээ ур.вуулан ашигласан” гэх үндэслэлээр хэрэг бүртгэлийн хэрэг нээсэн байна.
Эх сурвалж:Time.mn
Сэтгэгдэл бичих