Эрээн хотод дахин таван тохиолдол илэрч, хорио цээрийн дэглэмийг чангатгаж эхэлжээ

Эрээн хотод дахин таван тохиолдол илэрч, хорио цээрийн дэглэмийг чангатгаж эхэлсэн гэнэ.
Өнөөдрийн байдлаар БНХАУ-ын Эрээн хотод KoВИД-19-ийн таван тохиолдол бүртгэгдсэн тухай Монгол Улсаас Эрээн хотод суугаа Консулын газраас мэдээллээ.
10 дугаар сарын 13-ны өдөр Монголоос бараа бүтээгдэхүүн орж ирдэг Эрээн хотын Хуйтун логистикийн бүсэд ажилладаг хятад ажилтнаас Koвид-19-ийн эерэг тохиолдол илэрч, 14-ний 00:00 цагаас нийт албан байгууллагын үйл ажиллагааг зогсоон Эрээн хотын нийт иргэдийг эхний удаагийн PCR шинжилгээнд хамруулжээ.
10 дугаар сарын 19-ны байдлаар Эрээн хотод Koвид-19-ийн таван тохиолдол бүртгэгдсэн бөгөөд энэ өдрийн 00:00 цагаас эхлэн хотын хөдөлгөөнийг бүрэн хааж, дэглэмийг чангатган иргэдийн хөдөлгөөнд дрон болон камераар хяналт тавьж эхэлжээ.