Монгол цэргийн музейд “цэргийн алба хааж”, буудлагын сургууль хийж болно.
Учир нь энэ музейд хугацаат цэргийн алба хаагчдын өдөр тутамдаа хийдэг зүйлсийг өөрийн гараар хийж үзэх боломжийг олгож буй гэнэ.
Дөрвөлжин шоо мэт ирмэг гарган цэргийн хуарангийн ороо хураах, захны даавуу, мөрдөс хадах, хөлөө жийрэглэн ороох гэх мэт зүйлийг өөрийн биеэр хийж үзэхээс гадна үе үеийн цэргийн дүрэмт хувцсаас сонгон өмсөж дурсгалын зураг татуулах боломжтой болжээ.
Эр хүний мэдэх, сурах ёстой энгийн боловч эв дүй шаардсан хувь хүний соёл, биеэ авч явах эрдмийн нэгээхэн хэсгийг сурч биеэр хийж үзэхээс гадна буудлагын тийрэнд 2 төрлийн буугаар буудах сургууль хийж болох нь ээ.
Сэтгэгдэл бичих