Англи Шведийн шигшээ багуудын тоглолт Английн хожлоор буюу 2:0 харьцаатай өндөрлөлөө.
Тоглолтын 30 дах минутад Магуэр, 59 дэх минутад Дэлэ нар гоол хийж багтаа хожил авчирсан юм.
Тоглолтын өмнөхөн твиттерт Шведийн алдарт хөл бөмбөгч Златан Ибрагимович Английн алдарт Дэвид Бекхэмийг “өдөж” хөгжилтэй бооцоо тавьсан талаар бид мэдээлсэн.
Ибрагимович Твиттертээ “Дэвид Бекхэм, хэрвээ өнөөдөр Англи Шведийг ялбал дэлхийн хүссэн газарт чинь чамайг хоолонд даая. Харин Швед ялбал чи ИКЕА дэлгүүрээс миний хүссэн юмыг авч өгөөрэй, за юу?” хэмээн Ибрагимович Дэвид Бекхэмд хандаж бичжээ.
Хариуд нь Бекхэм “Хэрвээ Швед ялах юм бол би чамайг ИКЕА руу дагуулж ороод Лос Анжелес дахь шинэ байшинд чинь хүссэн бүхнийг чинь авч өгье. Харин Англи ялбал Уэмбли цэнгэлдэх хүрээлэнд болох тэмцээнд чи Английн шигшээгийн цамцтай ирж, завсарлагаанаар нь загас чипс иднэ шүү” гэжээ.
Хэн нь ялсныг уншигч Та бүхэн мэдэж байгаа биз ээ.
Сэтгэгдэл бичих