Японы баруун эрэгт хүчтэй аадар борооны улмаас 50 хүн сураггүй болж, 35 хүн үрэгдсэн талаар Жапантаймс мэдээлж байна. Тэдний ихэнх нь буюу 22 хүн Хирошима мужид хөрсний нуралт үүссэний улмаас амиа алджээ. Мөн олон мянган хүн орон гэргүй болсон байна.
Хирошимад 2014 оны наймдугаар сард мөн хүчтэй бороо орж, хөрсний нуралтын улмаас 77 хүн амиа алдаж байсан юм. 71 настай буурай “энэ жилийн бороо дөрвөн жилийн өмнөхөөс ч ширүүн байсан. Надад юу тохиолдох бол гэж үнэхээр их айлаа” хэмээн ярьжээ.
Олон мянган цэрэг, цагдаа, гал сөнөөгчид гамшгийн бүсэд ажиллаж байна.
Аадар бороо пүрэв гарагаас эхлэн оржээ. Гэсэн ч ойрын өдрүүдэд бороо зогсох төлөвгүй байгаа ажээ.
Сэтгэгдэл бичих