“Black Lives Matter буюу Харуудын амь нас үнэ цэнтэй”хөдөлгөөний үүсгэн байгуулагч Патрисс Каллорс зургаан жилийн хугацаанд хашсан албаа орхих болсноо зарлалаа. Гэхдээ түүний огцрох болсон шалтгаан нь нэр хүндийг нь унагах гэсэн оролдлоготой огт холбоогүй гэжээ. Тодруулбал, хатагтай Каллорс удахгүй хэвлэгдэх гэж буй хоёр дахь ном болох ” An Abolitionist’s Handbook” болон Warner Bros-тэй хамтран бүтээх телевизийн төсөлдөө илүү анхаарах шаардлагатай болсон тул нийгмийн хөдөлгөөний ажлаас хөндийрөх шаардлагатай болжээ.
37 настай Патрисс Каллорсыг өндөр үнээр дөрвөн ч байшин худалдан авсан тухай мэдээлэл гарсны дараа санхүүгийн асуудлыг нь шалгаж эхэлсэн юм. Арьс өнгөөр ялгаварлан гадуурхахтай тэмцдэг Black Lives Matter хөдөлгөөн хэдийгээр 2013 онд байгуулагдсан ч өнгөрсөн жил Миннеаполис хотод хар арьст Жорж Флойд цагдаа нарын гарт амиа алдсаны дараа илүү олон нийтийн дэмжлэгийг авах болсон. Өнгөрсөн жилийн жагсаалуудаас тус хөдөлгөөн нийтдээ 90 сая ам.доллар босгосон тухай AP агентлагийн мэдээнд дурджээ.
Сэтгэгдэл бичих