Зөвөлгөө: Лизингээр машин авахын оронд мөнгөө хадгал эсвэл хувьцаанд хөрөнгө оруулаарай

Америкийн худалдааны танхимаас хувь хүний санхүү, хөрөнгө оруулалтын талаар вэбинар зохион байгуулав. Вэбинарт Америкийн худалдааны танхимын гүйцэтгэх захирал О.Адъяа, “Ард санхүүгийн нэгдэл”-ийн Хөрөнгө оруулалт хариуцсан захирал Э.Амарбаясгалан, хөрөнгө оруулалтын зөвлөхүүд болох Г.Түвшинбилэг, Б.Наранбат оролцон дараах зөвлөгөөг өгөв.

Алхам 1.
Хадгаламжтай бол. Сар бүр тодорхой хэмжээний мөнгийг хадгаламждаа зарцуулаарай. Эхлээд бага мөнгөөр эхэл. Арван мянган төгрөг ч болно. Хөрөнгө оруулалт танд ст.ресс үүсгэж болохгүй тул их мөнгөөр эхлээд хэрэггүй. Бусдаас зээл авч, хөрөнгө оруулж болохгүй.

Машин урт хугацаанд үнэ цэнээ алдана. Залуучууд лизингээр машин авах нь буруу. Харин үл хөдлөх хөрөнгө, гараж, хөөрөг, бурхан, уран зураг, вис.ки, үнэтэй цаг гэх мэт эд зүйл үнэ цэнээ алддаггүй. Юуны үнэ өндөр хэвээр байх вэ гэдгийг бодоорой. Хэрэглээгээ тана.

Алхам 2.
Хадгаламжтай болсны дараа эрүүл мэндийн даатгал их чухал.

Алхам3.

Хувьцаанд хөрөнгө оруул. Энэ нь таны өөрөө өөртөө буюу оюундаа оруулах хөрөнгө оруулалт болдог. Учир нь ямар хувьцаа худалдан авахаа шийдэхээс өмнө та тодорхой хэмжээний судалгаа хийх, тайлангуудыг унших хэрэгтэй болдог. 2008 оны дэлхийн эдийн засгийн хямралаас хойш технологийн компаниудын хувьцаа хамгийн өндөр өсөлт үзүүлэв. Ко.ви.дын улмаас эрүүл мэнд тэр тусмаа э.мийн компаниуд, цахим худалдаа ихээхэн ашигтай ажиллах төлөвтэй байна. Ца.р та.хал дуусна гэж таамагласан ч мөд үр нөлөө нь арилахгүй гэдэг нь нэгэнт тодорхой болов.

Банкууд өндөр ашигтай ажилладаг. Удахгүй банкуудын хувьцааг нээлттэй худалдаж эхэлнэ. Банк ашигтай салбар хэвээр байна.

Алхам 4.
Хувьцаа аваад мартах хэрэгтэй. Зарим хүн буруу үед хувьцаагаа зарж, алдагдал хүлээдэг. Байн байн хувьцааныхаа үнийг шалгадаг. Хадгаламжаараа хувьцаа худалдаж авч болохгүй. Хөрөнгийн зах зээл өндөр өгөөжтэйн сацуу өндөр эрсдэлтэй.

Хөрөнгө оруулалтын зөвлөхүүдээс зөвлөгөө аваарай. Гэхдээ тэд таныг мэдээлэл баримтаар л хангана. Таны хөрөнгө оруулалтын эрсдэлийг үүрэхгүй. Шийдвэрийг та л гаргана. Уоррен Баффет яагаад амжилтад хүрсэн бэ гэхээр гэрийн даалгарваа маш сайн хийдэг. Мэдлэгт буюу судалгаанд суурилан хөрөнгө оруулалтын шийдвэрээ гаргадаг юм шүү.

Вэбинарт оролцсон эдийн засагчид манай улсад хөрөнгө оруулалтын алтан үе эхэллээ гэдэг дээр бүгд санал нэгдэж, аль болох эрт хөрөнгө оруулалт, хуримтлалаа эхэл, цаг хугацаа хамгийн үнэтэй. Саятан, тэрбумтнууд л хөрөнгө оруулдаг гэсэн ойлголт үеэ өнгөрөөсөн. Шинээр гарч буй трэндүүдэд эртнээс бэлтгэлтэй байгаарай гэсэн юм.