Монгол Улс Токиогийн олимпын чөлөөт бөхийн төрөлд сойх тамирчдаа сонгосноо өнөөдөр албан ёсоор зарлалаа. Олимпын эрхийг тухайн тамирчинд бус улсад нь олгодог. Тэгэхээр олимпын эрх авсан төдийгүй тухайн жингийн тамирчдын хэнд нь ч олимпын дэвжээнд зодоглох боломж нээлттэй.
Токиогийн олимпод оролцох чөлөөт бөхийн тамирчдыг сорил хийлгүй, эрх авсан бөхчүүдийг шууд сонгосон нь багагүй шүүмжлэл дагуулж байна.
ДАШТ-ий нэг мөнгө, гурван хүрэл медальт, Гавьяат тамирчин О.Бурмаа МЧБХ-ны шийдвэрт шүүмжлэлтэй хандаж буйгаа илэрхийлжээ.Тэрээр “Хүний авсан олимпийн эрх дээр ар өврийн хаалга хэрэглээд урдуур бярдаад явдаг юм байсан.
2021 оны олимпийн өмнө сорилт хийнэ гэж өнөөдрийг хүртэл тасралтгүй бэлтгэл сургуулилт хийж байлаа. Нөгөө Шигшээ багийн дасгалжуулагч удирдлагууд нь Дэлхийн жишиг энэ тэр гээд хэн сайн байгааг нь явуулна гээд байсан, яасан больчихсон уу. Хүний амьдрал замын хүзүү урт л байдаг юм. Өнөөдрөөр бүх зүйл дуусаж байгаа биш дээ яах вэ.Дуугуй байдаг болохоор олон юман дээр ялгавартай хандаж дээрэлхэж байгааг чинь мэдэж л байгаа.Бүх юм ээлжтэй байдаг шүү. Тамирчин нь тэр дасгалжуулагч нь ч тэр бодох бас ичих хугацаа зөндөө л өнгөрсөн шүү. Бүх зүйл тодорхой байхад хэн ч маргадаггүй л байхгүй юу” гэжээ.
О.Насанбурмаа гавьяатын жинд Хөдөлмөрийн баатар С.Батцэцэгийг Токиогийн олимпод барилдуулахаар болсон. С.Батцэцэг 2019 онд ДАШТ-ээс хүрэл медаль хүртэхдээ олимпын эрх авсан юм.
Сонирхуулахад, 2012 оны Лондоны олимпод О.Насанбурмаагийн авсан эрхээр С.Батцэцэгийг оролцуулсан билээ.
Сэтгэгдэл бичих