БАРИЛГА УГСРАЛТЫН АЖИЛ ТҮР ЗОГССОН 31-Р ХОРООНЫ БАГА СУРГУУЛЬ, ЦЭЦЭРЛЭГИЙН ТАЛБАЙД АЖИЛЛАЛАА
Өчигдөр 31 дүгээр хороонд баригдаж буй бага сургууль, цэцэрлэгийн барилга угсралтын талбайд ажиллалаа.
Сургууль, цэцэрлэгийн барилга угсралтын ажил гүйцэтгэж буй компаниудын захирал, талбай хариуцсан менежерүүдтэй уулзаж, барилгын ажил зогссон шалтгаан дүүргийн зүгээс шийдвэрлэх шаардлагатай байгаа асуудлуудын талаар санал, солилцлоо.Тус бүтээн байгуулалт болон зам засварын ажил хөрөнгө оруулалт, тог цахилгааны асуудлаас болж түр хугацаагаар зогссон гэдгийг компаний удирдлагууд хэлж байна. Бага сургуулийн барилга угсралтын ажил хэвийн үргэлжилж эхэлбэл энэ оны наймдугаар сард улсын комисст хүлээлгэн өгөх боломжтой юм.
Мөн 31-р хорооны байрнаас эгц дээшээ өндөр хүчдэл хүртэлх 1.6 км зам засварын ажлын төслийг холбогдох удирдлага танилцуулан гурван өрхийн байшин, таван айлын хашааг яаралтай чөлөөлөх шаардлагатай байгааг хэллээ. Тиймээс Нийслэлийн газар зохион байгуулалтын алба болон бусад асуудлыг шийдвэрлэх албадад албан хүсэлт тавьж, барилга, замын ажлыг хурдан шуурхай эхлүүлэх тал дээр дэмжиж ажиллахаар боллоо.
Сонгинохайрхан дүүргийн хэмжээнд иж бүрэн гэрэлтүүлэг угсрах ажил эхэлсэн. Үүнтэй холбогдуулан 31-р хороонд 150 гаруй лед гэрэлтүүлэг суурилуулахаар төлөвлөсөн байгаа. Өнөөдөр гэрэлтүүлгийн угсралтын ажлыг стандартын дагуу хийж буй эсэхэд хяналт тавьж ажиллалаа.
Сэтгэгдэл бичих