Сүүлийн 24 цагт 6823 хүнд шинжилгээ хийхэд 629 хүнээс халдвар илэрч, 754 хүн эдгэрч, таван хүн нас баржээ. Шинээр батлагдсан тохиолдлуудаас Улаанбаатарт 603, орон нутагт 24 илэрсэн бол эмнэлгээс шалтгаалах халдварын хоёр тохиолдол илэрсэн байна. Ингэснээр Монгол Улсад батлагдсан халдварын нийт тохиолдол 50529-д хүрчээ. Өнөөдрийн байдлаар нийт 4011 хүн эмчлүүлж байгаагаас хөнгөн 2002, хүндэвтэр 1360, хүнд 544, маш хүнд 105 хүн байна.
- Дөрөвдүгээр сарын 29-нд онош нь батлагдсан 70 настай эмэгтэй
- Тавдугаар сарын 2-нд онош нь батлагдсан 66 настай эрэгтэй
- Тавдугаар сарын 5-нд онош нь батлагдсан 89 настай эмэгтэй
- Тавдугаар сарын 9-нд онош нь батлагдсан 69 настай эмэгтэй
- Тавдугаар сарын 4-нд онош нь батлагдсан 33 настай эмэгтэй нар эмнэлэгт хэвтэн эмчлүүлж байхдаа халдварын нэн хүнд хэлбэрээр нас баржээ.
Эдгээрээс гадна халдварын бус шалтгааны улмаас нас баралт нэгээр нэмэгдсэн. Тодруулбал, 52 настай эрэгтэй тавдугаар сарын 19-нд онош нь батлагдахаас өмнө ГССҮТ-д тархины хүнд гэмтлийн улмаас эмчлүүлж байгаад нас барсан.
Сэтгэгдэл бичих