УИХ-ын чуулганы хуралдаанаар Хуульчийн эрх зүйн байдлын тухай хуулийн шинэчилсэн найруулгын төслийг хэлэлцэж байна. Энэ үеэр УИХ-ын гишүүд асуулт асууж, үг хэлэв. Тухайлбал, УИХ-ын гишүүн Н.Алтанхуяг “Хуульчдыг бэлтгэдэг систем буруу гэж ойлгож байна. Эчнээ, оройгоор хуульчид бэлтгэдэг байдлыг болимоор байна. Хуульчдыг бэлтгэдэг системээ өөрчилж болдоггүй юм уу. Орчин үед иргэдийн маргаан олон төрөл зүйлтэй болсон. Иргэн, эрүү, захиргаагаар хязгаарлагдахгүй. Тэгэхээр бусад мэргэжлийн бакалавр суурьтай хүүхдүүдийг хуульчаар бэлтгэмээр байна. Энэ бол өмнө нь амжилттай хэрэгжиж байсан зүйл” гэв.
Энэ талаар Хууль зүй, дотоод хэргийн сайд Х.Нямбаатар “Эчнээ, оройн ангиар хуульчийн мэргэжлийг бэлтгэхгүй гэдгийг хуулийн төсөлд тусгаж байгаа. Хуульчдыг магадлан итгэмжлэгдсэн хуулийн их, дээд сургуулиудаар төгсгөдөг байх зохицуулалтыг оруулсан. Эчнээ оройн ангиар эрх зүйч бэлтгэвэл зөвхөн дипломын зэрэг олгодог болно” гэлээ.
Сэтгэгдэл бичих