Kopoнaвиpycийн цар тахлын үе дэх боловсролын салбарын нөхцөл байдал, теле болон цахим хичээл ямар үр дүнтэй байгаа талаар Нийслэлийн боловсролын газраас НЗДТГ-тай хамтарсан мэдээлэл өгч байна.
Нийслэлийн боловсролын газрын дарга Ж.Гантулга:
Цар тахлын улмаас танхимаар хичээлэлгүй яг нэг жил нэг сарын хугацаа болж байна. Цар тахлын үе дэх боловсролын салбарын нөхцөл байдал, теле болон цахим хичээл ямар үр дүнтэй байгаа талаар хамтарсан мэдээлэл өгье.
Нийслэлийн Засаг даргын нэгдүгээр орлогч Ж.Сандагсүрэн:
Нэгдүгээр ангид орсон хүүхдүүд энэ жил хоёрдугаар ангид ороод хичээлээ бараг бүтэн теле хэлбэрээр үзлээ. Танхимаар хичээллэж зүгширдэг 6-7 насныхны хувьд ямар хүндрэл байна, тэдний хоцрогдлыг хэрхэн хангахыг төлөвлөх болно.
Алдсан хугацаа, боломж, хичээлийн хоцрогдлоо хэрхэн нөхөх талаарх тусдаа хөтөлбөр төлөвлөгөө гаргаж ажиллана. Бид төгсөх ангийн болон нэгдүгээр ангид орсон сурагчдын боловсролыг онцлон авч үзэж байна. Стандарт хөтөлбөрөөр зуны амралт эхлэх ёстой ч хичээлийн хоцрогдолоо арилгахад зуныг хэрхэн ашиглах талаар ч ярилцаж байна. Нийслэлийн хэд хэдэн дүүрэгт иргэд, сурагчдын хөгжилд чиглэсэн ‘Өглөөний гудамж’ шинээр бий болгох талаар хэлэлцэж байна.
Ерөнхий сайд өглөөний цагийг ашиглахыг онцлон уриалсан. Өглөө нар дээр мандах хүртэл хотын амьдрал яагаад 9-10 цагт эхлээд байна вэ. Хүүхдүүд өглөөний 6-9 цаг хүртэлх хугацааг ашиглах боломж бий.
Сэтгэгдэл бичих