Уулын сэдэвт олон улсын кино наадам болох Vancouver International Mountain Film Festival энэ сарын 19-нд онлайнаар эхэлж, шилдгүүд нь тодорчээ. 24 дэх жилээ зохион байгуулагдаж буй тус наадам Канадын Ванкуверт зохион байгуулагдсан байна.
Vancouver International Mountain Film наадмын шилдэг киногоор Францын найруулагч Хамид Сардарын ‘Эмнэг сургагч’ баримтат кино шалгарч, Гран При шагнал хүртлээ. Энэхүү кино нь эрэлхэг зоригт нэгэн монгол адуучин залуугийн тухай өгүүлдэг аж.
Наадмын ерөнхий шүүгч Перуццо де Андраде ‘Энэ кинонд нүүдэлчин ард түмний амьдралыг сайн харуулжээ. Адуучин залуу хулгайчдыг Оросын Сибирь хүртэл, Монголын тайгаар хөөн, мөрдөж байна. Малын хулгай, хууль бус алт олборлолт Монголд ямар аюул учруулж байгааг үзүүлсэн бүтээл’ гэж дүгнэсэн байна.
Сэтгэгдэл бичих