Улаанбаатар хотоос гарах иргэд гуравдугаар сарын 1-нээс 72 цагийн хүчинтэй PCR/ПГУ-ын шинжилгээний бичгээ үзүүлээд орон нутаг руу явж болно. Харин орон нутгаас ирж байгаа зорчигчид асуумж бөглөөд Улаанбаатар хот руу нэвтрэх юм.
Иргэд ДООРХ зааврын дагуу үйлчлүүлэхийг АВТО ТЭЭВРИЙН ҮНДЭСНИЙ ТӨВӨӨС МЭДЭЭЛЖ БАЙНА.
Улаанбаатар хотоос зорчих иргэд PCR шинжилгээнд заавал хамрагдана
- Орон нутгаас ирэх иргэд асуумж хуудас бөглөнө
- Зорчих тасалбараа eticket.transdep.mn цахим хаягаар захиалах
- Зорчих тасалбараа цахимаар бичүүлэх боломжгүй иргэд Улаанбаатар хотод байрлалтай 3 авто буудал, төрийн үйлчилгээний байгууллагууд болон төрийн захиргааны нэг цэгийн үйлчилгээний газар, Шангри Ла, Баялаг Ундраа худалдааны төвүүдэд байрлах 120 “Гэрэгэ киоск” машинаар тасалбар түгээгчийн зайнаас үзүүлэх тусламжийн дагуу зорчих тасалбараа захиалах боломжтой
- Билетээ захиалсны дагуу товлосон өдөр, цагтаа Зорчигч тээврийн төвүүдэд очиж нийтийн тээврийн автобусанд сууна
- Нийтийн тээврээр зорчих явцад зам дагуух үйлчилгээний байгууллагуудаар үйлчлүүлэхдээ халдвар хамгааллын дэглэм, хүн хоорондын зайг баримталж, хувийн бэлтгэлээ сайтар хангах
- Орон нутагтаа очоод гэрийн тусгаарлалтад 14 хоног байх
Сэтгэгдэл бичих