Налайх дүүрэгт koрoнaвирусийн хоёр тохиолдол батлагдаж зарим хэсэгт хөдөлгөөн хязгаарлаад байна. Тус дүүргийн онцгой комисс хоёр тохиолдол батлагдсан талаарх мэдээлийг авсан даруйд яаралтай арга хэмжээ авч, тандалтын баг гаргаж, батлагдсан тохиолдлын ойрын хавьтлуудыг ХӨСҮТ-д, гэрийн хүмүүсийг Баянзүрх дүүргийн буудалд тусгаарлажээ.
Дээрх батлагдсан хоёр тохиолдол нь Налайх дүүрэгт амьдардаггүй, харьяалал бус хүмүүс байна. Тэдгээр хүмүүс Улаанбаатар хотын Сонгинохайрхан дүүргийн нутаг дэвсгэр, SUNDAY плаза, TBD андууд, Бичил хороолол, Хархорин худалдааны төвөөр явсан байна.
Харин нэг батлагдсан тохиолдол энэ сарын 1-ны 18.00 цагийн орчимд Улаанбаатар хот руу автобусаар явсан тул тухайн маршрутад цагдаагийн байгууллага хяналт, судалгаа хийж байгаа бөгөөд Налайх дүүргийн ЗДТГ-аас Налайхаас Улаанбаатар хот руу автобусаар зорчсон иргэдийг яаралтай харьяа дүүрэг, оношилгооны төвд шинжилгээ өгөхийг анхаарууллаа.
Сэтгэгдэл бичих