Галзуу өвчин нь хурц хэлбэрийн тархины үрэвсэл үүсгэдэг бөгөөд бүх бод, бог мал болон нохой, муур зэрэг гэрийн тэжээмэл амьтад, үнэг, чоно, хярс, сарьсан багваахай зэрэг зэрлэг, хөхтөн амьтад өвчилдөг, мал амьтнаас хүнд халддаг үхлийн аюултай вирусийн гаралтай өвчин юм.
Баян-Өлгий аймгийн Баяннуур суманд өнгөрсөн оны 12 дугаар сарын сүүлээр болон энэ сарын дундуур хоёр удаа галзуу өвчнөөр үхэр өвчилсөн тохиолдол бүртгэгджээ.
Мэргэжлийн байгууллагууд тухайд бүрт нь холбогдох арга хэмжээг авч, өвчилсөн малыг устгалд оруулсан байна.
Иймд нохойд хазуулахаас зайлсхийх, мал, нохдыг жил бүр галзуугийн эсрэг вакцинд хамруулах, галзуу өвчний сэжиг бүхий мал амьтанд ойртохгүй байх, ямар нэгэн сэжигтэй тохиолдол гарсан даруйд харьяа Мал эмнэлгийн салбар болон Эрүүл мэндийн байгууллагад мэдэгдэхийг аймгийн Зоонозын өвчин судлалын төвөөс анхаарууллаа.
Сэтгэгдэл бичих