Оюутолгой компанийн ажилтан ажлын байрандаа нас барсан хэрэг гарчээ. Талийгаач М нь Оюутолгой компанийн туслан гүйцэтгэгч ‘Ханбогд Хурд’ ХХК-д сүүлийн дөрвөн жилийн турш ажиллаж байгаа, гурван хүүхдийн аав аж. Эх сурвалжийн мэдээллээр Оюутолгойн ажилтнууд 28/14 гэсэн хувиараар ажиллаж, амрах ёстой боловч талийгаач М нь амралтын 14 хоногтоо бүрэн амарч чадаагүй, дуудагдан ирсэн байна.
Тодруулбал, амралтын 10 дахь хоног дээр нь Оюутолгой компаниас дуудаж ажиллуулж байсан бөгөөд ажилчдын мэдээлж буйгаар хамгийн олон хоногоор ажилласан ажилтан 70-95 хүртэл хоног ажилласан тохиолдол байгаа гэв.
Энэ талаар Ханбогд Хурд ХХК-иас тодруулахад: ‘Манай жолооч М нас барсан хэрэг гарсан нь үнэн. Тэрээр ажлын 28 хоногийнхоо 21 дэх хоногт нас барсан. Цар тахалтай холбоотойгоор УОК-ын шийдвэр тодорхой гарахгүй байсан зэрэг шалтгаанаар амралтын 14 хоногийг нь бүрэн эдлүүлж чадалгүй, амралт нь дуусахаас дөрөв хоногийн өмнө Оюутолгойгоос дуудсан асуудал гарсан нь үнэн’ гэжээ.
Одоогоор хэргийг шалгаж байгаа юм байна.
Сэтгэгдэл бичих