Герман улсын Ульм хот орон гэргүй хүмүүсийг хүйтэн шөнө дулаан хонуулах зорилгоор тусгай бүхээг зохион бүтээсэн бөгөөд бүхээгийг орон гэргүй хүмүүсийн олноор цуглардаг гол цэгүүдэд байрлуулж эхэлжээ.
Уг бүхээг нь мод, гангаас бүтсэн бөгөөд ус нэвтэрдэггүй, нарны эрчим хүчийг хуримтлуулан эрчим хүч гарган авдаг, харилцаа холбооны хэрэгслээр тоноглогджээ. Түүнчлэн бүхээг бүр утасгүй интернетэд холбогдсон байна. Мөн харилцаа холбооны хэрэгслээр дамжуулан холбогдох ажилтнууд бүхээгт хонож байгаа хүнээс шаардлагатай зүйл бий эсэхийг лавлаж асуудаг аж. Бүхээгийн анхны загварыг зохион бүтээгчид хоёр жилийн өмнө танилцуулж байсан ч энэ жилээс үйлдвэрлэж эхэлсэн байна.
Сэтгэгдэл бичих