Япон улсын Засгийн газар Токиогийн Олимпын наадмыг коронавирусийн улмаас цуцлах шаардлагатай гэсэн дүгнэлтэд хүрээд байгаа талаар Times мэдээллээ.
Энэ удаад олимпыг цуцалснаар Токио хот дараагийн удаа зохион байгуулах эрхээ хадгалж авч үлдэнэ гэж үзэж байгаа аж. Times-т нэгэн эх сурвалж ‘Хэн ч үүнийг түрүүлж зарлах хүсэлгүй байгаа ч бүгд /олимпын наадмыг зохион байгуулах/ хэт хүндрэлтэй байгаатай санал нэг байна’ хэмээн хэлжээ.
Түүнчлэн олимпын наадмыг цуцалсны дараа хамгийн эхний боломжит хугацаа болох 2032 онд зохион байгуулахад анхаарах нь зүйтэй гэж хэлсэн тухай тус хэвлэл дамжуулсан байна.
Өмнө нь Олон улсын олимпын хорооны ерөнхийлөгч Томас Бах Японы Kyodo агентлагт Токиогийн олимпыг дахин хойшлуулах эсвэл цуцалж болзошгүй талаар мэдэгджээ.
Токиогийн олимпын наадмыг 2020 оны долоодугаар сарын 24-нөөс наймдугаар сарын 9-ний хооронд зохион байгуулах байсан ч 2021 оны долоодугаар сарын 23-ны өдөр рүү шилжүүлээд байгаа юм.
Эх сурвалж: Times
Сэтгэгдэл бичих