Засгийн газрын өнөөдрийн хуралдааны үеэр Сангийн сайд Ч.Хүрэлбаатар Татварын алданги, торгуулиас чөлөөлөх тухайн хуулийн төслийг танилцууллаа.
Хуулийн төсөлд 2020 оны есдүгээр сарын 1-ний өдрөөс 2021 оны долдугаар сарын 1-ний өдрийн хугацаанд албан татвар төлөгчийн хуулийн дагуу ногдуулан тайлагнасан төлбөл зохих татварыг хуульд заасан хугацаанд төлөөгүй тохиолдолд уг хугацаанд ногдуулах татварын алданги, торгуулиас тухайн албан татвар төлөгчийг нэг удаад чөлөөлөхөөр тусгажээ.
Хуулийн төсөл батлагдсанаар иргэд, ААН-үүд Татварын хуульд заасан хугацаанд татвараа төлөөгүйн улмаас татварын алданги, торгууль тооцохгүй болж, татварын өр хуримтлагдах нөхцөл байдлаас сэргийлнэ. Мөн татварын ачааллыг бууруулж эдийн засгийг идэвхжүүлэхэд дэмжлэг үзүүлнэ гэж Сангийн сайд Ч.Хүрэлбаатар хэллээ.
Сэтгэгдэл бичих