Эрүүл мэндийн яамнаас коронавирусийн халдварын нөхцөл байдлын талаарх мэдээллийг хүргэж байна.
ХӨСҮТ-ийн ерөнхий захирал Д.Нямхүү, 11-р сарын 4-5-нд 1068 хүнд коронавирусийн шинжилгээ хийхэд дөрвөн хүнээс коронавирус илэрлээ. Тодруулбал, үүний хоёр нь ачаа тээврийн жолооч, нэг нь гадаадаас тусгай нислэгээр ирсэн 19 настай залуу, мөн нэг нь ХӨСҮТ-д коронавирусийн өвчтөнүүдтэй ажиллаж байсан сувилагч халдвар авсан. Сүүлийн өдрүүдэд олон улсын ачаа тээврийн жолооч нараас халдвар олноор илэрч байна.
Монголд коронавирусийн халдварын 356 тохиолдол батлагдлаа. Үүнээс эдгэрсэн 314 хүн, ХӨСҮТ-д 42 хүн эмчлүүлж байна.
Сэтгэгдэл бичих