АНУ-д сонгуулийн санал тооллого үргэлжилж байна. Өнөөгийн Ерөнхийлөгч Доналд Трамп Цагаан ордноос хэвлэлийн хурал хийлгэж, ялалт байгууллаа хэмээн зарласны дараа ABC, CBS, MSNBC зэрэг мэдээний сувгууд шууд дамжуулалтаа тасаллаа. MSNBC сувгийн хөтлөгч Брайан Уильямс ‘Бид АНУ-ын Ерөнхийлөгчийн хэлсэн үгэнд залруулга хийхээс аргагүй нөхцөл байдал үүслээ. Санал хураалтын дүн эцэслэн гараагүй байгаа’ гэжээ.
Харин Д.Трамп ялалтыг минь хулгайлах гэж оролдож байна гэж мэдэгдсэн ч тодорхой баримт дэлгэсэнгүй. Одоогоор таван мужийн дүн эцэслэн гараагүй байна. Сонгогчдын төлөөлөгчдөөс Жо Байден 264 санал авсан бол Трамп 214 саналтай яваа юм.
Сэтгэгдэл бичих