Улаанбаатар хот үүсэн байгуулагдсаны 381 жилийн ойн барилдаанд УЛСЫН З

Улаанбаатар хот үүсэн байгуулагдсаны 381 жилийн ойд зориулсан хүчит бөхийн уламжлалт барилдаанд шинэ аварга П.Бүрэнтөгсөөр магнайлуулсан 256 бөх авхаалж самбаа, хурд хүч сорилоо. Архангай аймгийн Цэнхэр сумын харьяат, Алдар СХ, Нутгийн буян групп, Бөхбилэгт дэвжээний бөх, улсын шинэ заан М.Бадарч 8 даван түрүүлж, Төв аймгийн Баянчандмань сумын харьяат, Сүлд СХ, ДХИС, Танил санаа ХХК, Дүнжингарав дэвжээний бөх аймгийн хурц арслан Э.Ууганбаяр үзүүрлэв.

Их шөвөгт Ховд аймгийн Зэрэг сумын харьяат, Алдар СХ, Монтед констракшн, Рэд Вулкан ХХК, Ховд дэвжээний бөх, улсын харцага Б.Бат-Өлзий, Хөвсгөл аймгийн Их –Уул сумын харьяат, Сүлд СХ, ‘ТЭЦ-4’ ТӨХК, ‘Импрайлд Гоулд Майнинг’ ХХК, Хөвсгөлийн Хүчтэн дэвжээний бөх, улсын начин Б.Даваа-Очир нар шалгарлаа. Харин дунд шөвгийн наймд у.н Б.Ганхуяг а.х.а Ө.Сүхбат, а.а О.Наранбаатар, а.з М.Лхагвагэрэл нар үлдсэн юм.

Улсын шинэ цолтнуудаас аварга П.Бүрэнтөгс, заан М.Бадарч, харцага Ц.Одбаяр, начин Д.Хүдэрбулга, Т.Дүгэрдорж нар зодогложээ.

Барилдааны төгсгөлд Нийслэлийн засаг дарга бөгөөд Улаанбаатар хотын захирагч, Монгол улсын аварга Д.Сумъяабазар тэргүүтэй хотын удирдлагууд хүрэлцэн ирж үзэж сонирхлоо.

Улсын начин Б.Чимэдвандан допингийн эсрэг нэгэн уриалга гаргаж, түүнийгээ барилдааны турш хажуудаа тавьж суун бөхчүүд болон үзэгч олонд хүргэсэн юм. Энэ бол бөхчүүдийн зүгээс гаргаж байгаа зөв, зүйтэй уриалга байлаа.