Солонгосын нэгэн орон сууцны 15 давхараас гэнэт мөнгөөр бороо орсон байна. Тодруулбал нэгэн барилгын 15 давхарт амьдардаг эхнэр нөхөр хоёр хоорондоо муудалцаж нөхөр нь гэртээ байсан 6 сая воныг цонхоороо шидсэн байна. Үүнийг харсан байрны СӨХ-ийн ажилтан олж хармагцаа цагдаад мэдэгдсэн гэнэ.
Тухайн үед энэ явдлыг харсан тэр хавиар өнгөрч байсан иргэд мөнгийг газраас түүж эмх замбараагүй байдал үүсэж эхэлсэн байна. Цагдаагийн 10 ажилтан, СӨХ-ийн ажилтан болон энгийн иргэд нийлж энд тэндгүй тархсан мөнгийг цуглуулахад нийт 5 сая 950 мянган воныг бүрдүүлж эзэнд нь хүлээлгэж өгсөн байна.
Цагдаагийн байгууллагын хүчинд маш хурдан хугацаанд мөнгийг цуглуулж чадсан гэж СӨХ-ийн ажилтан мэдүүлжээ. Харин гэрийн эзэн 63 настай эрэгтэй мэдээллэхдээ эхнэртэйгээ муудалцаад ‘уурандаа аваад цацчихсан’ хэмээжээ.
Эх сурвалж: kr.theepochtimes.com
Сэтгэгдэл бичих