БНХАУ-ын Шанхай хотын амьтны хүрээлэнгийн ажилчныг баавгайнууд үзэгчдийн нүдэн дээр барьжээ. Өнгөрсөн бямба гарагт гарсан энэ аймшигт хэргийн дүрс бичлэгийг амьтдын хүрээлэнг үзэж байсан жуулчид хийсэн байна.
Амьтны хүрээлэнгийн захиргаа амиа алдсан ажилчны ар гэрт эмгэнэл илэрхийлж, дахин ийм эмгэнэлт хэрэг гаргуулахгүйн тулд бүхий л арга хэмжээ авна гэжээ. Энэхүү хэргийн гэрч болсон жуулчдаас мөн уучлал эрж, тасалбарын үнийг нөхөн төлсөн байна.
Амьтны хүрээлэнгийн захиргаа баавгайнууд чөлөөтэй хөлхдөг байсан бүсийг хааж, аюулгүй байдлын арга хэмжээг чангатгажээ. Үзэгчид энэ бүсэд автобуснаас гаралгүй амьтдыг үздэг байсан байна.
Эмгэнэлт хэргийг гэрчлэх дүрс бичлэг Хятадын ‘Weibo’ нийгмийн сүлжээнд хурдан тархаж, амьтны хүрээлэн байх шаардлагатай эсэх талаар хүчтэй маргаан үүсгэжээ. Зарим хэрэглэгчид баавгайнууд байгалийн зөнгөөрөө ийм үйлдэл хийсэн гээд амьтны хүрээлэнгүүдийг хаахыг уриалсан бол зарим нь аюулгүй байдлын хангалттай арга хэмжээ аваагүй амьтны хүрээлэнгийн захиргааг буруутгасан байна.
Хятад улсад амьтны хүрээлэнгийн амьтад хүн рүү дайрсан хэрэг ховор гардаг байна. 2017 онд анхааруулгыг үл ойшоон автобусны цонхыг онгойлгон, баавгайд хоол өгсөн үзэгчийн гарыг хазах байсан тохиолдол гарч байжээ.
Сэтгэгдэл бичих