Манай улсад замын хөдөлгөөнд оролцож байгаа 730 мянган автомашины 80 хувь нь 10 болон түүнээс дээш жилийн наслалттай байна. Өөрөөр хэлбэл 10 машин тутмын найм нь хэт өндөр наслалттай гэсэн үг юм.
Тэгвэл Улаанбаатар хотод хуучин автомашины оршуулгын газар байдаг болов уу? Сүхбаатар дүүргийн нутаг дэвсгэрт байдаг хуучин машин авах цэгт өдөрт 1-2 машин л ирдэг. Машины төрөл насжилт загвараас шалтгаалан 500 мянгаас 2 сая төгрөгийн хооронд худалдаж авдаг байна.
Насжилт өндөр тээврийн хэрэгсэл нь хөдөлгөөнд оролцоход олон эрсдэлийг дагуулдаг. Өнгөрсөн онд 12 мянга гаруй өндөр наслалттай тээврийн хэрэгсэл авто осол гаргасан байна. 2019 онд манай улсын хилээр 65 мянган авто машин орж ирсэн. Түүнээс 85-93% нь хуучин болон хэт хуучин тээврийн хэрэгсэл орж ирсэн байна. Гадны улсаас орж ирж байгаа авто машины насжилт хэт өндөр байгаагаас энэ төрлийн хог хаягдлын хог хаягдлын асуудал цаашлаад хурцаар тавигдана. Бусад оронд хэрэглээнээс гарсан авто машины зогсоол нэгдсэн байдлаар байдаг бол манайд хуучин машин авдаг газар гарын таван хуруунд багтахаар байна.
Сэтгэгдэл бичих