Шударга өрсөлдөөн хэрэглэгчийн төлөө газраас /ШӨХТГ/ өнөөдөр мах үйлдвэрлэгч, худалдаалагч байгууллагуудын төлөөллүүдтэй уулзлаа. Энэ үеэр ШӨХТГ-ын дарга Б.Бат-Эрдэнэ зарагдсан барааг буцаахгүй гэсэн байгууллагуудыг торгоно гэдгээ мэдэгдлээ.
Тэрээр ‘Бид зарагдсан барааг буцаахгүй байж болохгүй хэмээх акц хийж буй. Үүний хүрээнд дэлгүүрүүдийг зарагдсан барааг буцаахгүй гэдэг бичгээ авахыг шаардсан. Энэ акц наймдугаар сарын 24-өөс хойш өнөөдрийг хүртэл үргэлжлээд дууссан. Иймээс одоо тухайн дэлгүүрүүд шаардлага биелүүлээгүй бол торгуулийн арга хэмжээ авна’ гэв.
Үүнтэй ижил ломбардуудын үйл ажиллагааг шалгаж байгаа бөгөөд урьдчилсан байдлаар мөнгө хүүлэхийн эсрэг зөвлөн туслах, сануулах арга хэмжээ авсан аж. Харин өнөөдрөөс хойш аливаа ломбардад гомдол гарвал шууд торгоно гэж ШӨХТГ-ын дарга Б.Бат-Эрдэнэ хэлсэн бөгөөд дахин сануулах шаардлага байхгүй гэж үзэж буйгаа илэрхийлсэн юм.
Сэтгэгдэл бичих