Италийн Ром хотын Дээд шүүх эцэг эхээсээ санхүүгийн дэмжлэг авдаг 35 настай хөгжмийн багшийг шүүх хурлын үеэр уг хуулийг баталжээ. Хөгжмийн багшийн жилийн орлого 24,000 ам.доллар боловч амьдралд нь хүрэлцэхгүй гэсэн шалтгаанаар ийнхүү санхүүгийн дэмжлэг авдаг байв.
“Насанд хүрсэн хүн ажил хайж санхүүгийн хувьд бие даахад өөрөө суралцах ёстой” хэмээн шүүгч Мариа Кристина Жианкола хэлжээ. Насанд хүрэгчдийгээ ийнхүү бие даахыг шаарддаг улс зөвхөн Итали биш бөгөөд Франц, Испани зэрэг өмнөд Европын орнуудад ч ажиглагддаг байна.
2019 онд Италийн Статистикийн хүрээлэнгээс гаргасан судалгаагаар 18-34 насны иргэдийн 64,3 хувь нь эцэг эхтэйгээ хамт амьдардаг байна. Түүний 36,5 хувь нь суралцдаг, 38,2 хувь нь ажил хийдэг, 23,7 хувь нь ажил хайж байгаа гэсэн бол 15-24 насныхан дунд ажилгүйдэл 30 хувьтай байсан аж.
Италийн гэр бүлийн хуульчдын холбооны тэргүүн Ж.Э.Газани шинэ хуулийн талаар “Насанд хүрсэн хүмүүс илүү зоригтой, хариуцлага хүлээж сурах ёстой. Ээж нь өглөө бүр орон дотор нь аягатай кофе авчирч өгөөд байвал бие дааж сурахад хэцүү шүү дээ, хүүхдийг өөрөөр нь бүхнийг хийлгэ” гэв.
Эх сурвалж:CNN
